ԲԱՆԱՎԵՃԸ ՈՐՊԵՍ ՈՒՍՈՒՑՄԱՆ ԱԿՏԻՎ ՄԵԹՈԴ

Ծանոթագրություն

Սույն հոդվածում ուսումնասիրվում է բանավեճը՝ որպես ուսուցման ակտիվ մեթոդ՝ ընդգծելով դրա դերը ժամանակակից կրթական գործընթացում։ Ներկայացվում են տեսական հիմքերը, բանավեճի միջոցով ուսումնական արդյունքների և մասնագիտական հմտությունների զարգացման հնարավորությունները, ինչպես նաև դիտարկվում է բանավեճի կիրառման հնարավորությունը ուսումնական միջավայրում՝ տարբեր դասընթացների շրջանակներում։ Հոդվածում դիտարկվում է բանավեճի դերը սովորողների ակտիվ մասնակցության ապահովման գործում, ինչպես նաև ներկայացված են բանավեճի՝ որպես ուսուցման արդյունավետ մեթոդի գիտական հիմնավորումներն ու օրինակները: Վերլուծվում են բանավեճի ներդրման մեթոդական կողմերը, դասավանդողի դերը դրա կազմակերպման գործընթացում, ինչպես նաև բանավեճի կիրառման արդյունքում սովորողների մոտ քննադատական մտածողության, հաղորդակցման և թիմային աշխատանքի հմտությունների ամրապնդումը։ Հոդվածի վերջում արված է հետևություն առ այն, որ բանավեճը ոչ միայն ուսուցման մեթոդ է, այլև ռազմավարական գործիք՝ սովորողների անձնային և մասնագիտական ձևավորման համար։