ԼԵԶՎԻ ԵՎ ԻՐԱՎՈՒՆՔԻ ՓՈԽՀԱՐԱԲԵՐՈՒԹՅՈՒՆԸ
DOI-:
https://doi.org/10.53614/18294952-2022.2-113Բանալի բառեր-:
լեզու, իրավունք, լեզվաբաններ, իրավաբաններ, իրավունքի լեզու, լեզվաբանական իրավունք, իրավալեզվաբանություն, իրավաբանական տերմին, փոխհարաբերություն:Ամփոփում
Հոդվածում արտացոլվում է լեզվի սերտ կապն իրավունքի հետ և միմյանց հետ փոխհարաբերությունը: Այդ փոխհարաբերությունը դիտվում է որպես մի համակարգ, որտեղ լեզուն իրավունքի արտահայտման ամենակարևոր գործիքն է, և լեզվի օգտագործումը վճռորոշ նշանակություն ունի ցանկացած իրավական համակարգի համար: Հիմնավորվում է թեմայի արդիականությունը, և մատնանշվում են այն խնդիրները, որոնց առջև կարող ենք կանգնել, եթե իրավունքի ոլորտում չկարևորենք լեզվի դերն ու նշանակությունը:
Լեզվի և իրավունքի խաչմերուկներում ծագած խնդիրները վաղուց արդեն գտնվում են մի շարք գիտնականների՝ թե՛ լեզվաբանների, թե՛ իրավաբանների հետաքրքրությունների շրջանակներում: Ուստի, հոդվածում դիտարկվում են թեմայի վերաբերյալ տարբեր լեզվաբանների և իրավաբանների ձևակերպումները:
Հոդվածում նաև առաջարկ է արվում ստեղծել նոր առարկա, որը կկոչվի «Իրավալեզվաբանություն», որի շրջանակներում «Իրավագիտության» ֆակուլտետի ուսանողները խորապես կուսումնասիրեն իրավաբանական լեզվաբանության հիմունքները և իրավաբանական տերմինները:
