ԱՐՀԵՍՏԱԿԱՆ ԲԱՆԱԿԱՆՈՒԹՅԱՆ ԿԻՐԱՌՈՒԹՅՈՒՆԸ ՀԱՆՑԱԳՈՐԾՈՒԹՅՈՒՆՆԵՐԻ ԿԱՆԽԱՐԳԵԼՄԱՆ ԵՎ ՔՆՆՈՒԹՅԱՆ ԳՈՐԾԸՆԹԱՑՆԵՐՈՒՄ
DOI-:
https://doi.org/10.53614/18294952-2024.2-24Բանալի բառեր-:
հանցագործությունների կանխարգելում, հանցագործություններ կանխատեսող համակարգեր, արհեստական բանականություն, անալոգային մտածողություն, ալգորիթմների համակարգ, թվային մտածողություն։Ամփոփում
Հոդվածում անդրադարձ ենք կատարում մարդկության զարգացման ներկայիս փուլում, հանցագործությունների կանխարգելման և քրեական վարույթների իրականացման ընթացքում նորագույն տեխնոլոգիական նվաճում հանդիսացող՝ արհեստական բանականության գործիքների կիրառության հնարավորություններին։ Դրա գործածությունն առավելապես դիտարկվում է երեք առանձին գործընթացների՝ հանցագործությունների դեմ տարվող պրոֆիլակտիկ աշխատանքների, ինչպես նաև քրեադատավարական երկու փուլերի՝ մինչդատական և դատական վարույթների ընթացքում։ Կատարված հետազոտությամբ և վերլուծության արդյունքներով գալիս ենք այն եզրահանգման, որ տրամադրվող գործիքների առավելագույն հնարավորությունների կիրառությունը մեծապես կնպաստի իրավապահ մարմինների գործունեության օգտակար գործողության գործակցի բարձացմանը, այն հատկապես ուղղված կլինի հետաքննչական, քննչական և դատական մարմինների աշխատանքի ծանրաբեռնվածության էական նվազեցմանը, ժամանակի և ռեսուրսների տնտեսմանը։
